FLASH
Shkruar nga Pamfleti
Policia ka vendosur në pranga dy të rinj të cilët akuzohet se kanë qëlluar me pistoletë sportive në qytetin e Lezhës duke terrorizuar banorët dhe më pas janë larguar.
“Nga verifikimet e shpejta dhe bashkëpunimi me qytetarët, u bë i mundur identifikimi, kapja dhe arrestimi në flagrancë i shtetasve: E. B., 32 vjeç, dhe P. N., 24 vjeç, banues në lagjen “Skënderbeg,” për veprat penale të “Prodhimi dhe mbajtja pa leje e armëve të gjuetisë dhe sportive” dhe “Prishja e qetësisë publike”,”– raportuan uniformat blu.
Dy të arrestuarit dyshohen se kishin marrë automjetin e 28 vjeçarit me iniciale E. G., i cili u procedua penalisht, dhe nga makina kanë qëlluar në ajër me pistoletë sportive me fishekë manovër, duke prishur qetësinë publike dhe terrorizuar banorët.
Në cilësinë e provës materiale, u sekuestruan 6 gëzhoja të gjetura në vendngjarje.
Lini një Përgjigje