FLASH
Shkruar nga Pamfleti
Dy persona të prezantuar si shtetas të huaj kanë vjedhur një shumë të konsiderueshme eurosh në një pikë ‘Exchange’ në Shkodër.
Dy persona të prezantuar si ukrainas, kanë kërkuar këmbimin e një shume të konsiderueshme.
Pasi kanë kërkuar shumë e parave në euro, personi në këtë pikë shërbimesh i ka bërë gati eurot të ndara në dy zarfe duke qëndruar në pritje që dy të huajt t’i sillnin lekët.
Përpara se të largoheshin dy shtetasit e prezantuar si ukrainas mësohet se kanë ndërruar zarfet duke marrë ato me euro dhe duke lënë dy zarfe të mbushura, por pa euro brenda.
Denoncimi është bërë në policinë e Shkodrës, ndërsa janë kqyrur edhe kamerat e sigurisë në rrugët e qytetit për të bërë të mundur gjetjen dhe identifikimin e dy të huajve që vodhën eurot.
Ndërkohë, kjo pikë shërbimesh kërkon ndihmën e kujtdo që në rast se i shohin diku të lajmërojnë menjëherë policinë.
Në pamje duken qartazi fytyrat e dy hajdutëve që vodhën sasinë e konsiderueshme të eurove. Policia po heton për gjetjen dhe arrestimin sa më parë të tyre.
Lini një Përgjigje