FLASH
Shkruar nga Pamfleti
22-vjeçari Klaus Veliaj ka ndërruar jetë pasi nuk ka mundur dot t’u mbijetojë plagëve të marra në një aksident që ndodhi disa ditë më parë në Elbasan.
Mësohet se i riu ka humbur jetën pas 3 ditësh në koma, ndërsa ngjarja ndodhi në zonën e Letanit.
Aksidenti ndodhi teksa Klaus Veliaj, po drejtonte një mjet bujqësor, i cili doli nga rruga pas humbjes së kontrollit. Si pasojë e përplasjes, 22-vjeçari dhe një person tjetër që udhëtonte me të u plagosën rëndë.
Pavarësisht përpjekjeve të mjekëve për ta mbajtur në jetë, Klausi ndërroi jetë ditën e djeshme në spital.
Të afërmit dhe bashkëmoshatarët e përshkruajnë 22-vjeçarin si një djalë punëtor, të qetë dhe plot jetë, që ëndërronte të ndërtonte të ardhmen në vendlindje.
Lini një Përgjigje