FLASH
Shkruar nga Pamfleti
Policia ka reaguar pas një sherri me thika dhe sende të forta të ndodhur mbrëmjen e djeshme në Vlorë, ku një person mbeti i plagosur.
Sipas uniformave blu, në pranga ra Besnik Gjondeda, 64 vjeç, pasi plagosi me thikë 56-vjeçarin Gazmend Vreshtazi. Ky i fundit ndodhet nën kujdesin e mjekëve në spitalin e Vlorës.
"Strukturat e DVP Vlorë dhe shërbimet e Komisariatit të Policisë Vlorë ndërhynë menjëherë për parandalimin e përshkallëzimit të një konflikti të ndodhur në qytetin e Vlorës, duke kapur dhe neutralizuar menjëherë autorin.
Si rezultat i reagimit të shpejtë dhe i veprimeve hetimore e procedurale, u arrestua në flagrancë për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”, shtetasi Besnik Gjondeda, 64 vjeç, banues në lagjen “Uji i Ftohtë”, Vlorë.
Ky shtetas më datë 11.07.2025, rreth orës 23:30, në një lokal pranë vendit të quajtur “Rrapi”, në lagjen “Uji i Ftohtë”, gjatë një konflikti për motive të dobëta, ka goditur me mjet prerës, në pjesën anësore të kraharorit, shtetasin G. V., 56 vjeç, i cili ndodhet nën kujdesin e mjekëve në Spitalin Rajonal Vlorë, jashtë rrezikut për jetën.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme", njofton policia.
Lini një Përgjigje