FLASH
Shkruar nga Pamfleti
40-vjeçari Hasan Qazimi është arrestuar nga policia e Tiranës, pasi u kap duke lëvizur me armë pa leje dhe me lëndë narkotike.
Sipas policisë, 40-vjeçarit iu sekuestrua një armë zjarri pistoletë me krehër, municion luftarak dhe sasi lënde e dyshuar narkotike kokainë. Ai u vu në pranga në një lokal në rrugën “Halit Bega”.
“Lëvizte i armatosur dhe me lëndë narkotike, falë inteligjencës policore lokalizohet dhe arrestohet në flagrancë 40-vjeçari.
Finalizohet operacioni policor i koduar “Klienti” nga Sektori për Hetimin e Narkotikëve në DVP Tiranë.
Sekuestrohen një armë zjarri pistoletë me krëhër e municion luftarak dhe sasi lënde e dyshuar narkotike kokainë.
Shërbimet e Sektorit për Hetimin e Narkotikëve në DVP Tiranë në vijim të punës për goditjen e paligjshmërive, bazuar dhe në inteligjencën informative se në një lokal në rrugën “Halit Bega” ndodhej një shtetas i armatosur, menjëherë kanë organizuar punën për kapjen e tij dhe kanë finalizuar operacionin policor të koduar “Klienti”.
Gjatë operacionit u arrestua në flagrancë shtetasi H. Q. (G)., 40 vjeç, banues në Tiranë.
Në rrugën “Halit Bega”, shërbimet e Policisë kanë lokalizuar shtetasin H. Q. (G) dhe gjatë kontrollit fizik të tij, shërbimet e Policisë gjetën dhe sekuestruan, në cilësinë e provës materiale, një armë zjarri pistoletë me krëhër e municion luftarak dhe sasi lënde të dyshuar narkotike kokainë”, njoftoi policia.
Lini një Përgjigje