FLASH
Shkruar nga Pamfleti
Tre punonjës policie dhe një doganier i Pikës së Kalimit Kufitar të Hani të Hotit u arrestuan nga Agjencia e Mbikqyrjes Policore, në kuadër të një hetimi për shpërdorim detyre.
Të arrestuarit dyshohet se lejuan dy vjet më parë kalimin e një kamioni drejt Malit të Zi, ku nga autoritetet malazeze u gjetën mbi 440 kg kanabis sativa.
Nga informacionet mësohet se të arrestuarit janë Lekë Çekrezi, Fatjon Hamzi, Tonin Melaj dhe Selami Ethemi.
Njoftimi nga AMP
AMP ekzekuton 4 urdhëra ndalimi për tre punonjës policie dhe një doganier
Në vijim të hetimeve disa mujore mbi procedimin penal të vitit 2023, Agjencia e Mbikëqyrjes Policore (Rajoni Shkodër - Lezhë) në bashkëpunim me Drejtorinë e Hetimit Doganor dhe Prokurorinë Pranë Gjykatës së Shkallës së Parë të Juridiksionit të Përgjithshëm Shkodër, ka ekzekutuar urdhërat e ndalimit për tre punonjës policie dhe një doganier, të dyshuar për kryerjen e veprës penale “Shpërdorim i detyrës”.
L. Ç., punonjës policie në Pikën Kufitare “Hani i Hotit”.
F. H., punonjës policie në Pikën Kufitare “Hani i Hotit”.
T. M., punonjës policie në Pikën Kufitare “Hani i Hotit”.
S. E., me detyrë Doganier në Pikën Kufitare “Hani i Hotit”.
Urdhërat e ndalimit vijnë pas hetimeve të thelluara me metoda speciale në lidhje me ngjarjen e datës 17/09/2023, ku një kamion me targa shqiptare, pasi ka kryer procedurat e daljes nga Republika e Shqipërisë nëpërmjet Pikës Kufitare “Hani i Hotit”, në kundërshtim me ligjin dhe procedurat standarde, është ndaluar nga policia e Pikës së Kalimit Kufitar “Bozaj”, Mali i Zi, pasi në kamion është gjetur një sasi prej 442.084 kg lëndë narkotike e dyshuar “Canabis Sativa”.
Lini një Përgjigje