FLASH
Shkruar nga Pamfleti
Të shtëna me armë zujarri janë regjistruar mbrëmjen e sotme në qytetin e Shkodër, ku si pasojë raportohet se një person ka mbetur i plagosur. I plagosuri mësohet se është identifikuar si Çelë Shabaj.
Të shtënat mësohet se kanë ndodhur në rrugën e Prekalit, në Postribe të Shkodrës, ndëkohë që mësohet se autori Kristian Kakia është arrestuar. Dyshohet se plagosja ka ndodhur për një konflikt të çastit.
"Rreth orës 20:40, në Postribë, dyshohet se gjatë një konflikti të çastit, për motive të dobëta, shtetasi Kristian Kakia dyshohet se ka plagosur me armë zjarri në këmbë shtetasin Çel Shabaj., 43 vjeç, i cili ndodhet në kujdesin e mjekëve, jashtë rrezikut për jetën.
Shërbimet e Policisë, me marrjen e njoftimit, shkuan menjëherë në vendin e ngjarjes dhe falë veprimeve të shpejta hetimore bënë të mundur identifikimin dhe shoqërimin e 3 shtetasve për veprime të mëtejshme, mes tyre dhe autori i dyshuar.
Grupi hetimor, në drejtimin e Prokurorisë, vijon punën për sqarimin e plotë të rrethanave të ngjarjes", njofton policia.
Lini një Përgjigje