FLASH
Shkruar nga Pamfleti
Një oficer policie u pezullua nga detyra pasi dyshohet se i ka vjedhur sendet personale një shtetasi të ndaluar.
Vendimi i dhënë nga Gjykata e Elbasanit është zbatuar nga Agjensia e Mbikëqyrjes Policore (Rajoni Elbasan-Korçë).
Në njoftimin zyrtar të AMP-së thuhet se ka ekzekutuar vendimin e Gjykatës së Shkallës së Parë të Jurdiksionit të Përgjithshëm Elbasan, e cila ka caktuar masën e sigurimit personal “Ndalimi i daljes jashtë shtetit” dhe “Pezullimi i ushtrimit të një detyre a shërbimi publik” ndaj punonjësit të policisë Nënkomisar G. C., 31 vjeç, me detyrë Specialist në Seksionin për Hetimin e Krimeve në Volum, në Komisariatin e Policisë Gramsh, i dyshuar për veprën penale “Vjedhja e kryer duke shpërdoruar detyrën”.
Nga hetimet e kryera nga AMP janë grumbulluar fakte dhe prova që krijojnë dyshimin se ky punonjës policie, duke shpërdoruar detyrën, ka vjedhur sendet personale të një shtetasi të ndaluar/arrestuar.
Lini një Përgjigje