FLASH
Shkruar nga Pamfleti
Policia ka reaguar zyrtarisht mbi plagosjen me thikë në zonën e “Astirit” në Tiranë. Sipas saj, i plagosur ka mbetur një 34-vjeçar, ndërsa në pranga është vënë autori Darmend Keli, 25-vjeç. Sipas policisë, i plagosuri është identifikuar si Amarildo Hoxhallari.
Sipas burimeve, dyshohet se 34-vjeçari i ka ngacmuar të dashurën të riut dhe më pas janë përplasur fizikisht.
“Shërbimet e Komisariatit të Policisë Nr. 6 dhe ato të Forcës së Posaçme "Shqiponja", pas marrjes së njoftimit se në Unazë të Re, sot rreth orës 18:45, një shtetas kishte plagosur me mjet prerës, një 34-vjeçar, kanë organizuar menjëherë punën për kapjen e autorit dhe vënien e tij përpara përgjegjësisë ligjore. Si rezultat i veprimeve të shpejta policore, u kap dhe u shoqërua në komisariat për veprime të mëtejshme procedurale shtetasi D. K., 25 vjeç, banues në Tiranë.
Nga veprimet hetimore dyshohet se shtetasi D. K., për motive të dobëta, ka plagosur me mjet prerës shtetasin A. H., 34 vjeç, i cili ndodhet në spital, nën kujdesin e mjekëve.
Vijon puna nga grupi hetimor për sqarimin e rrethanave të ngjarjes”, njofton policia.
Lini një Përgjigje