FLASH
Shkruar nga Pamfleti
Gjykata e Lartë ka rrëzuar përfundimisht rekursin e ish-efektivit të forcave operacionale, Jeton Lami, duke lënë në fuqi vendimin e Gjykatës së Lezhës për dënimin e tij me 2 vite e 10 muaj burg për shpërdorim detyre.
Lami u arrestua në gusht të vitit 2022, pasi u filmua duke shoqëruar Ervis Martinajn, i cili rezulton i zhdukur në rrethana misterioze.
Apeli i Juridiksionit të Përgjithshëm e kishte konfirmuar më herët vendimin e shkallës së parë, ndërsa vetë Lami kërkoi një rishqyrtim në Gjykatën e Lartë, e cila sot e rrëzoi përfundimisht.
Zhdukja e Martinajt u bë një nga çështjet më të bujshme në vend, me dyshime të forta për një ekzekutim mafioz. Emri i tij u përmend edhe nga Nuredin Dumani, që e akuzoi për porositjen e vrasjes së Endrit Dokles për një shumë prej 500 mijë eurosh. Deri më sot, autoritetet nuk kanë arritur të zbulojnë çfarë ndodhi me “mbretin e lojërave të fatit”, ndërsa bashkëpunëtorët e tij po përballen me drejtësinë.
Lini një Përgjigje