FLASH
Shkruar nga Pamfleti
Një 50-vjeçar i cili rezultonte i dënuar në Itali për krime kundër personit dhe krime seksuale është arrestuar në Elbasan.
Sipas policisë, 50-vjeçari i identifikuar si Zamir Halili, ishte dënuar me 7 vite burg nga Gjykata e Sienas në vitin 2014, për plagosje, dhunë në familje dhe marrëdhënie seksuale me dhunë.
Nga ky dënim, atij i kanë mbetur për të vuajtur rreth 6 vjet e 9 muaj burgim. Ndërkohë Interpol Tirana po bashkëpunon me Interpol Romën, për të finalizuar procedurën e ekstradimit të 50-vjeçarit, në Itali.
"Finalizohet nga Drejtoria e Forcës së Posaçme Operacionale, operacioni policor i koduar “Operacionalja 47”. I dënuar në Itali, me 7 vjet burgim, për krime kundër personit dhe krime seksuale, kapet në Elbasan, 50-vjeçari.
Si rezultat i veprimeve të mirorganizuara policore dhe i shkëmbimit të shpejtë të informacioneve me partnerët italianë, nëpërmjet shërbimeve të Interpol Tiranës, shërbimet e Drejtorisë së Forcës së Posaçme Operacionale, në kuadër të operacionit “Operacionalja 47”, kapën në Elbasan, shtetasin shqiptar, të shpallur në kërkim ndërkombëtar, për llogari të Italisë, Zamir Halili, 50 vjeç.
Gjykata e Sienas, Itali, në vitin 2014, e ka dënuar me 7 vjet burgim, për plagosje, dhunë në familje dhe marrëdhënie seksuale me dhunë. Nga ky dënim atij i kanë mbetur për të vuajtur rreth 6 vjet e 9 muaj burgim. Interpol Tirana po bashkëpunon me Interpol Romën, për të finalizuar procedurën e ekstradimit të 50-vjeçarit, në Itali", njofton policia.
Lini një Përgjigje