FLASH
Shkruar nga Pamfleti
Një 32-vjeçar i shpallur në kërkim që prej muajit mars të këtij viti është arrestuar nga policia e Fierit. Mësohet se në pranga ka rënë Marteos Pasho, banues në Patos, i dënuar më parë për vrasje dhe armëmbajtje pa leje.
32-vjeçari, së bashku me tre persona të tjerë dhunuan gardianin e burgut në mars të këtij viti. Në muajin mars, Gjykata e Fierit i caktoi masën e sigurisë "Arrest në burg", për veprën penale "Goditja për shkak të detyrës".
“Në vijim të kontrolleve të mbështetura te informacionet e siguruara në rrugë operative, me qëllim ndalimin e shtetasve të implikuar në rastin e datës 11.03.2025, kur u godit me grushte, për shkak të detyrës, një punonjës i IEVP Fier, shërbimet e Policisë së Fierit kapën njërin prej autorëve të dyshuar, shtetasin M. P., 32 vjeç, banues në Patos.
Në muajin mars 2025, Gjykata e Fierit i ka caktuar masën e sigurisë "Arrest në burg", për veprën penale "Goditja për shkak të detyrës", kryer në bashkëpunim.
32-vjeçari akuzohet se në bashkëpunim me shtetasit A. M., E. N. dhe E. R., ka goditur me grushte, për shkak të detyrës, një punonjës të IEVP Fier. Punohet për kapjen e 3 shtetasve të shpallur në kërkim”, njoftoi policia.
Lini një Përgjigje