FLASH
Shkruar nga Pamfleti
Një 39-vjeçar është arrestuar ditën e sotme nga policia pasi nxiste tre të mitur që të kryenin vjedhje në zona të ndryshme të kryeqytetit.
I riu i identifikuar si Xhiljon Hoxha, rezulton i dënuar më parë për të njëjtin krim. Ndërkohë që mësohet se gjatë arrestimit të 39-vjeçarit janë sekuestruar sende të vjedhura.
"Shërbimet e Komisariatit të Policisë Nr. 4, si rezultat i punës hetimore, për të nxjerrë përpara përgjegjësisë penale, shtetasit e implikuar në vjedhje, kapën në kuadër të operacionit “Nxitësi”, shtetasin e shpallur në kërkim, Xh. H., 39 vjeç.
Ai dyshohet se ka shtyrë në mënyrë të përsëritur, 3 shtetas të moshave 12 dhe 13 vjeç, për të kryer vjedhje të ndryshme, në disa zona të Tiranës.
Vijojnë hetime për të dokumentuar plotësisht veprimtarinë kriminale të 39-vjeçarit, në fushën e vjedhjes së pronës dhe pasurisë. Materialet procedurale iu referuan Prokurorisë së Tiranës, për veprime të mëtejshme", njofton policia.
Lini një Përgjigje