FLASH
Shkruar nga Pamfleti
Një aksident i rëndë ka ndodhur në aksin Korçë-Bilisht, në afërsi të fshatit Bitinckë. Mësohet se një automjet ka përplasur një motomjet.
Mësohet se janë plagosur burrë e grua që ndodheshin në motor dhe se çifti është transportur në spitalin rajonal të Korçës.
Ende nuk dihet gjendja e tyre shëndetësore, ndërkohë policia ndodhet në vendngjarje për të zbardhur shkaqet dhe rrethanat e aksidentit.
“Më datë 02.01.2024, në aksin rrugor “Korçë-Bilisht”, pranë fshatit Bitinckë, automjeti tip “Isuzi” me drejtues shtetasin Sh. L., ka përplasur motomjetin me drejtues shtetasin A. H., rreth 64 vjeç. Për pasojë ka marrë dëmtime ky i fundit dhe bashkëshortja e tij D. H., rreth 59 vjeçe, pasagjere në motomjet, të cilët po transportohen për mjekim në spitalin e Korçës.
Drejtuesi i automjetit u shoqërua për veprime të mëtejshme procedurale.
Grupi hetimor po punon për zbardhjen e rrethanave të aksidentit”, njofton policia.
Lini një Përgjigje