FLASH
Shkruar nga Pamfleti
Një 49-vjeçar shqiptar është arrestuar nga Policia italiane.
49-vjeçari akuzohet për veprën penale të vrasjes së mbetur në tentativë, vjedhjes dhe mbajtjes pa leje të një pistolete.
Aktiviteti hetimor është aktualisht në fazën e hetimit paraprak.Hetimi nisi pas grabitjes me armë të kryer mbrëmjen e 4 majit në një lokal në Via Costantino Baroni. Në këtë rrethanë, autori kishte dalë para pronarëve të biznesit në momentin e mbylljes në mbrëmje dhe kishte tentuar të grabiste të ardhurat dhe një numër të madh biletash gërvishtëse me vlerë 15 mijë euro.
Për të përfunduar veprimin e tij, duke qenë se viktimat ishin strehuar brenda vendit, ai qëlloi me armë disa herë në drejtim të derës, e cila mbyti të shtënat, por plagosi lehtë pronarët.
I njëjti person, më 6 maj tentoi të grabiste i armatosur me armë, një dyqan ushqimor në Via Feraboli por nuk arriti të merrte asgjë.
Rikonstruksioni i mëpasshëm i episodeve të rënda kriminale ishte rezultat i një hetimi të shpejtë dhe intensiv të kryer nga agjentët e Seksionit të Krimeve nëpërmjet aktiviteteve teknike, analizave të videove dhe marrjes së deklaratave nga persona të informuar mbi faktet.
Përcaktuese ka qenë edhe ndërhyrja e agjentëve të Kabinetit të Policisë Shkencore Rajonale për Lombardinë, pasi në derën e hyrjes së lokalit të grabitur kanë konstatuar praninë e gjurmëve, të cilat i janë atribuar më pas të arrestuarit.
Shtetasi shqiptar, pas kërkimeve intensive të policisë u gjet pasditen e së enjtes në Via Costantino Baroni dhe u arrestua.
Atij iu gjet një pistoletë gjysmë automatike me një fishek, së bashku me një karikator me tetë fishekë të përputhshëm me ato të gjetura pranë derës së hyrjes së lokalit të grabitur, 13 fishekë të tjerë dhe një thikë. Për më tepër, në brendësi të banesës janë gjetur disa veshje të përdorura gjatë grabitjeve.
Lini një Përgjigje