FLASH
Shkruar nga Pamfleti
Një 35-vjeçar është arrestuar në Sarandë në kuadër të operacionit policor të koduar “Haze”.
Barjam Kanushi u kap në flagrancë në aksin rrugor Delvinë-Sarandë duke transportuar 3.5 litra vaj kanabisi, me qëllim shitjen në qytetin e Sarandës.
Gjatë kontrollit fizik dhe atij në banesë shërbimet e Policisë gjetën dhe sekuestruan 3.5 litër vaj kanabisi, 1 armë zjarri kallashnikov, një armë të ftohtë thikë, 3 krehëra, një sasi municioni luftarak, dhe një sasi kanabis sativa në formë çokollate.
"Komisariati i Policisë Sarandë, bazuar në informacionet e siguruara në rrugë operative, se një shtetas po transportonte lëndë narkotike në aksin rrugor Delvinë-Sarandë, me qëllim shitjen e saj në qytetin e Sarandës, organizuan dhe finalizuan operacionin policor të koduar “Haze”.
Si rezultat i të cilit, u lokalizua dhe u arrestua në flagrancë shtetasi Barjam Kanushi, 35 vjeç, banues në Delvinë.
Gjatë kontrollit fizik dhe atij në banesë shërbimet e Policisë gjetën dhe sekuestruan 3.5 litër vaj kanabisi, 1 armë zjarri kallashnikov, një armë të ftohtë thikë, 3 krehëra, një sasi municioni luftarak, dhe një sasi kanabis sativa në formë çokollate.
Materialet hetimore iu referuan Prokurorisë pranë Gjykatës së Shkallës së Parë Sarandë, për veprime të mëtejshme procedurale."-njofton policia.
Lini një Përgjigje