FLASH
Shkruar nga Pamfleti
Sipas informacioneve, shoferja 23-vjeçare, edhe pse ishte me djalin e saj 2-vjeçar në automjet, nuk hezitoi të bënte manovra të rrezikshme, madje duke u përplasur edhe me makinat e patrullave të policisë.
Një sasi prej 215 kilogramësh drogë u sekuestrua në Janinë brenda një automjeti që kishte hyrë nga Shqipëria.
Mësohet se shoferja 23-vjeçare shqiptare dhe 2 bashkëpunëtorët e saj janë arrestuar.
Policia greke filloi ndjekjen e xhipit të drejtuar nga 23-vjeçarja shqiptare të hënën pasdite, me oficerë të Njësisë Antidrogë të Janinës dhe të Departamentit të Policisë së Konicës.
Sipas informacioneve, shoferja 23-vjeçare, edhe pse ishte me djalin e saj 2-vjeçar në automjet, nuk hezitoi të bënte manovra të rrezikshme, madje duke goditur edhe patrullat e policisë, për t'i shpëtuar në momentin që iu bë sinjal të ndalonte.
Pasi makina u ndalua në Vovousa të Janinës, policia gjeti brenda saj 118 pako me kanabis, me një peshë totale prej 215 kilogramësh.
Ndërkohë, mësohet se Xhipi që drejtohej nga 23-vjeçari shoqërohej nga një automjet tjetër me 2 shqiptarë, të cilët lëviznin përpara për të kontrolluar rrugën. Automjeti shoqërues është ndaluar në Grevena.
Tre shqiptarët akuzohen për trafik droge, dhunë ndaj punonjësve, drejtim mjeti të rrezikshëm, ekspozim ndaj të tjerëve, dëmtim të përsëritur të pronës së tjetrit dhe shkelje të legjislacionit për të huajt.
Përveç makinës dhe sasisë së drogës, u sekuestruan edhe:
Dy targat, të lëshuara nga autoritetet greke, që kishte makina, pasi u zbulua se i përkisnin një automjeti tjetër, dy targat e vërteta të makinës, të lëshuara nga autoritetet shqiptare, që u gjetën brenda saj, dhe një kuti plastike me 2.7 gramë kanabis të papërpunuar dhe 3 telefona celularë.
Lini një Përgjigje