FLASH
Shkruar nga Kreshnik Spahiu
Këto investime krijojnë mijëra vende pune, formojnë menaxherë të rinj dhe rrisin nivelin e gjithë industrisë...
Një pjesë e shqiptarëve janë shqetësuar nga përralla e “faljes së ishullit të Sazanit”. Në thelb të kësaj fushate qëndron vendimi për të lejuar familjen Trump të investojë në një ishull të pabanuar, që sot shërben praktikisht si nevojtore publike për plazhistët që urinojnë kur shkojnë me anije për të kaluar disa orë plazh.
Sigurisht që Sazani ka mbetur i shkretuar, sepse sipërmarrësit shqiptarë nuk kanë kapacitete apo interes për të investuar një ishull që s’ka as energji elektrike dhe as ujë. Atëherë pse kjo histeri publike kundër një investimi të huaj?
“Shqipëria turistike”, po hyn në një fazë të re zhvillimi, ku kërkesa e huaj është shumë më e lartë se cilësia dhe kapaciteti i investimeve lokale. Për këtë arsye, investimet e huaja nuk janë luks, por domosdoshmëri.
Në dekadat e fundit, brigjet e Mesdheut janë shndërruar në një nga motorët më të fuqishëm ekonomikë të Europës. Në Itali, Greqi, Kroaci, Francë, Turqi, zhvillimi turistik nuk erdhi rastësisht. Ai ishte rezultat i një politike të qartë: hapjes ndaj kapitalit të huaj dhe përfshirjes së korporatave ndërkombëtare në ndërtimin e industrisë së turizmit.
A kanë kompanitë shqiptare fuqinë financiare, teknologjinë dhe përvojën për ta bërë këtë zhvillim të mundur?
Jo. Jo Turizmi bregdetar i nivelit të lartë është industri kapitale-intensive. Marina, aeroporte turistike, resorte luksoze, infrastrukturë ujore dhe energjetike kërkojnë investime kolosale. Sipërmarrësit lokalë, në shumicën e vendeve të Mesdheut, nuk kanë pasur kurrë kapacitet për projekte të kësaj shkalle.
Janë fondet ndërkombëtare, bankat globale dhe korporatat shumëkombëshe që kanë sjellë miliarda euro pa rënduar buxhetet publike. Greqia, Kroacia dhe Mali i Zi nuk do të kishin sot marina moderne, resorte ikonë dhe qytete turistike të reja pa kapitalin e huaj.
Një avantazh vendimtar janë markat globale që sjellin turistë të garantuar. Një hotel lokal, sado i bukur, nuk mbush dot qindra dhoma gjatë gjithë vitit. Korporatat ndërkombëtare sjellin edhe standarde, profesionalizëm dhe cilësi. Një nga problemet tradicionale të turizmit lokal ka qenë mungesa e shërbimit cilësor. Investitorët e huaj sjellin menaxhim profesional, teknologji, trajnime dhe kulturë shërbimi.
Këto investime krijojnë mijëra vende pune, formojnë menaxherë të rinj dhe rrisin nivelin e gjithë industrisë.
Prania e markave luksoze rrit edhe prestigjin kombëtar. Një vend me resorte markash të famshme perceptohet ndryshe në tregjet ndërkombëtare dhe tërheq turistë me fuqi të lartë blerëse, investitorë të rinj dhe zhvillon turizëm 12 mujorë gjithë vitin.
Në shumë raste, shtetet e Mesdheut janë zhvilluar pa shpenzuar fonde publike, duke përdorur kapital privat ndërkombëtar.
Kjo nuk do të thotë përjashtim i sipërmarrjes vendase. Modelet më të suksesshme janë partneritetet mes kapitalit lokal dhe atij të huaj.
Fatkeqësisht, në 30 vitet e fundit një nga dështimet më të mëdha të Shqipërisë ka qenë pengimi sistematik i investitorëve të huaj. Berisha, Meta dhe Rama kanë favorizuar klientelën politike që u financonte fushatat, duke bllokuar investime serioze dhe duke e kthyer bregdetin në kantier pallatesh.
Në këtë errësirë, projekti i Sazanit është një nga të paktat drita jeshile. Ai nuk do të ishte thjesht një investim, por një standard i ri zhvillimi. Një Monte Carlo shqiptar në zemër të Mesdheut.
Është gati e pabesueshme të imagjinosh që Vlora e Ismail Qemalit të shndërrohet në një kryeqytet të elitave botërore mes Lindjes dhe Perëndimit. Por mos harroni: vetëm dhjetë vjet më parë, për në Vlorë udhëtohej katër orë mes gropave ku as karroca e Ismail Qemalit nuk do të kalonte dot.
Lërini amerikanët të investojnë në Sazan, përpara se ishulli të copëtohet nga bandat shqiptare, ashtu siç ndodhi me Gjirin e Lalzit.
Shqipëria s’ka nevojë që ishulli i vetëm të katandiset nga pazarxhinjtë shqiptar si Golemi, Shkëmbi Kavajës apo si Shëngjini…..
Mos u shtirni më patriot se Francezët, Spanjolët, Italianët apo Turqit të cilët bregdetin e tyre e kanë zhvilluar me investime të huaja dhe jo vetëm lokale.
Sazani nuk ka energji elektrike dhe as uje te pijshem, por me taksat e shqiptareve do i kete te dyja. Do i falet familjes se Trump qe ata te pasurohen edhe me shume! Nuk do paguajne asnje takse per minimumi 10 vite( une jam i sigurt qe nuk do paguajne takse asnjehere). Dhe u shitet shqiptareve se amerikanet jane aleate qe i mbrojne nga armiqte serbe dhe ruse! Po ku qendron pavaresia ketu mor plehre i qelbur?! Nuk te zhvasin ruset dhe serbet, por te zhvasin amerikanet dhe europianet. Kjo "pavaresi" nga armiqte, eshte vetem nje genjeshter e madhe! Ne te vertete ne nuk kemi qene asnjehere te pavarur! Shqiptaret e asimiliar ne Serbi dhe Greqi, jetojne 1000 here me mire se shqiptaret "patrirote" te Shqiperise! Fekalet e politikes dhe hajdute te sistemit te "drejtesise" si Spahiu, na hapin barkun si gjoja atdhetare te medhenj. Jo se u behet vone per patriotizem, por se kane hallin te leket e zhvatura shqiptareve dhe te fshehura ne parajsat fiskale dhe bankat e "aleateve" te Shqiperise!
Arjan ke plotesishte te drejte,une po i shtoje dicka nqs ste vjene keqe???? Ky legeni qe shkruan kete artikull mendon se ne shtresa e mesme e poshte nuk kuptojme se ky investim(Dhenie)falje e prones publike,eshte nje amniszi per plëolitikanet hajdute ku edhe ky pis burre ben pjese.
Kreshnik! Kush e kryesonte dhe kush përfshihej në karvanin politiko- mafioz në "ARUBË"? Çfarë vendime u morën? A janë implementuar këto vendime? A duhet që për çdo konçension të dhënë të ketë transparencë? Dashuria për shtetin, respektimi i ligjit dhe mbrojtja e interesit publik, prevalojnë mbi çdo interes tjetër. Investimet e korporatave ,veçanërisht ato Amerikane kanë qënë të dëshirushme për shqiptarët.Por konçensionet shumica e tyre i janë dhënë pa garë, pa transparencë, haptaz korruptive, pa asnjë fitim për buxhetin e shtetit, klienteliste dhe më së shumti vëndeve jo miqësore me kombin shqiptar. "Golemi"-"Shkëmbi Kavajës"-"Shëngjini" "gjiri i Lalsit" që ti nuk e përmënd, dhe gjithë bregdeti janë pasojë e kaotizmit që imponoi 'Paria e Tiranës', Ju pa dyshim jeni pjesë e rëndësishme e stafit të saj