FLASH
Shkruar nga Pamfleti
Pasi u rikthye te goli, Myrto Uzuni ishte një nga protagonistët në fitoren e Austin FC ndaj Seattle Sounders në kampionatin amerikan MLS. Skuadra nga Teksasi triumfoi me rezultatin 3-1 në sfidën e zhvilluar në “Q2 Stadium”.
Sulmuesi i Kombëtares shqiptare vulosi suksesin e ekipit të tij, duke realizuar golin e dytë personal për Austin FC në minutën e 86-të. Goli i 30-vjeçarit i dha më shumë qetësi vendasve, të cilët administruan epërsinë deri në vërshëllimën e fundit.
Për Uzunin, ky ishte rikthimi te goli pas ndeshjeve miqësore me Kombëtaren shqiptare, duke konfirmuar formën e mirë që po kalon në MLS. Beratasi vazhdon të jetë një nga pikat më të rëndësishme të Austin FC, me paraqitje bindëse dhe kontribut të vazhdueshëm në repartin ofensiv.
Lini një Përgjigje