FLASH
Shkruar nga Pamfleti
Presidenti ukrainas, Volodymyr Zelensky deklaroi se do të donte të shihte një “reagim të fortë” nga SHBA-ja nëse presidenti rus, Vladimir Putin nuk do të ishte i gatshëm të ulej për një takim dypalësh me të.
Zelensky ka përsëritur thirrjen se Ukraina është gati të zhvillojë bisedime të drejtpërdrejta me Putinin.
“Po sikur rusët të mos jenë gati? Evropianët e ngritën çështjen. Nëse rusët nuk janë gati, atëherë do të donim të shihnim një reagim të fortë nga Shtetet e Bashkuara”, u shpreh ai.
Edhe më herët, Ukraina ka shprehur shpresën se SHBA-ja do ta ndëshkojë Rusinë me më shumë sanksione nëse nuk tregon një gatishmëri serioze për t’i dhënë fund luftës.
Zelensky shtoi se nuk është e qartë se çfarë lëshimesh ishte e gatshme të bënte Moska në lidhje me territorin dhe se Budapesti si një vendndodhje e propozuar për bisedime të ardhshme midis dy vendeve ishte “sfiduese”.
Lini një Përgjigje