FLASH
Shkruar nga Pamfleti
Tre ditë pasi u emërua si sekretari i ri i Jashtëm David Cameron ka bërë vizitën e tij të parë zyrtare në Ukrainë, duke takuar presidentin Volodymyr Zelensky në Kiev.
Cameron përsëriti angazhimin e Mbretërisë së Bashkuar për të mbështetur Ukrainën gjatë luftës.
Ai premtoi të vazhdojë “mbështetjen morale, diplomatike, ekonomike, por mbi të gjitha ushtarake” të Mbretërisë së Bashkuar.
Zelenksy falënderoi Cameron për mbështetjen e Mbretërisë së Bashkuar nëpërmjet një postimi në platformën X.
“Ne patëm një takim të suksesshëm me temën kryesore të armëve për vijën e parë, forcimin e mbrojtjes ajrore dhe mbrojtjen e njerëzve tanë dhe infrastrukturës kritike”, tha presidenti ukrainas.
“I jam mirënjohës Mbretërisë së Bashkuar për mbështetjen e saj”, shtoi Zelensky.
Hosted @David_Cameron on his first visit to Ukraine as Foreign Secretary of the UK.
— Volodymyr Zelenskyy / Володимир Зеленський (@ZelenskyyUa) November 16, 2023
We had a good meeting focused on weapons for the frontline, strengthening air defense, and protecting our people and critical infrastructure.
I am grateful to the UK for its support!
???????????????? pic.twitter.com/zElLHsSaQT
57-vjeçari Cameron shërbeu si kryeministër i Britanisë gjatë periudhës 2010-2016 dhe madje njihet si “kryeministri i Brexit”. Ai dha dorëheqjen pas rezultatit të referendumit që ai kishte shpallur dhe që çoi në daljen e Mbretërisë së Bashkuar nga Bashkimi Evropian.
Kthimi i Cameron si sekretar i jashtëm erdhi në mes të trazirave të fundit në qeverinë britanike, me ish-sekretarin e jashtëm James Cleverley që zëvendësoi Suella Braverman si sekretar të brendshëm dhe Cameron mori detyrën nga Cleverley.
Lini një Përgjigje