FLASH
Shkruar nga Pamfleti
Aksidenti hekurudhor në Greqi shkaktuar revolta të mëdha tek qytetarët. Pas kësaj tragjedie, qytetarë të shumtë kanë protestuar jashtë kompania përgjegjëse për mirëmbajtjen e hekurudhave të Greqisë.
Gjithashtu protesta u mbajtën në Selanik dhe në qytetin e Larisës, pranë vendit ku ndodhi fatkeqësia.
Sakaq qeveria bëri me dije se ngjarja do të hetohet dhe se do të merren masat e domosdoshme për të zbardhur detajet e plota.
Ndërkohë ditë zie kombëtare u shpallën në të gjithë vendin pas ngjarjes së rëndë.
Numri i viktimave nga aksidenti i trenit në Greqi, ka shkuar në 44 të vdekurve, sipas asaj që tha për ERT kreu i Shërbimit Ligjor të Larisës, Rubini Leontari. Sipas tij ekspertiza mjeko-ligjore ka gjetur 44 trupa, të cilët janë në gjendje shumë të keqe dhe pjesa më e madhe e tyre mësohet të jenë të moshës diku mes 20-30 vjeç.
Ndërkohë 53 persona nuk gjejnë dot të afërmit e tyre dhe janë në kërkim në Spitalin e Përgjithshëm të Larisës, ku po japin mostrën e ADN-së. Një proces shumë i vështirë dhe i dhimbshëm, mjaft i gjatë pasi do të duhen disa ditë për identifikimin e plotë. Disa nga viktimat janë të copëtuara, ndaj është shumë e vështirë edhe t'i identifikosh.
Në të njëjtën kohë, gjashtë të rinj të moshës 20-25 vjeç po bëjnë betejën e tyre për të qëndruar gjallë në repartet e terapisë intensive në Spitalet e Larisës, ndërsa ka edhe mbi 50 të lënduar, të cilët janë shtruar në spital dhe marrin kujdes dhe duket se po bëjnë mirë.
Lini një Përgjigje