FLASH
Shkruar nga Pamfleti
Ministri i Jashtëm iranian Abbas Araghchi, deklaroi ditën e sotme se Teherani nuk ka plane për të rifilluar negociatat bërthamore me Shtetet e Bashkuara të Amerikës, pavarësisht pretendimeve të presidentit Donald Trump.
Araghchi hodhi poshtë spekulimet rreth bisedimeve sekrete, duke theksuar se shqyrtimet e brendshme të interesave të Iranit janë "një çështje e veçantë" nga negociatat zyrtare.
“Nuk është arritur asnjë marrëveshje apo rregullim për të rifilluar negociatat. As nuk është dhënë ndonjë premtim dhe as nuk është zhvilluar ndonjë diskutim për këtë çështje. Kemi pasur një përvojë të vështirë me amerikanët, që ata i tradhtuan negociatat në mes të procesit. Kjo përvojë me siguri do të ndikojë në vendimet tona të ardhshme. Por ky vendim në fund të fundit do të merret bazuar në mirëqenien e popullit iranian, jo në emocione, apo në ndonjë konsideratë sipërfaqësore ose të përkohshme”, tha Araghchi për kanalin shtetëror të lajmeve të Iranit, IRINN, në një intervistë televizive sot.
Lini një Përgjigje