FLASH
Shkruar nga Pamfleti
Presidenti i SHBA-së, Donald Trump, u pyet të premten gjatë një konference për shtyp në Shtëpinë e Bardhë në lidhje me videon që bëri xhiron e botës, ku shfaqej gruaja e Presidentit francez Emmanuel Macron, Brigitte, duke e goditur atë në fytyrë, ndërsa ai përgatitej të zbriste nga një aeroplan në Hanoi të Vietnamit.
I pyetur nëse kishte ndonjë këshillë martesore për homologun e tij francez, Trump ndaloi shkurtimisht përpara se të thoshte: "sigurohuni që dera të mbetet e mbyllur".
Trump pretendoi se foli me Macron pas incidentit, të cilin e përshkroi si "jo të mirë".
"Kjo nuk ishte mirë. Jo, fola me të dhe ata janë mirë, janë mirë, janë dy njerëz vërtet të mirë", tha Trump për familjen Macron, me të cilët ai dhe zonja e parë Melania Trump kanë kaluar kohë të konsiderueshme.
Dhe shtoi: “nuk e di se çfarë ishte e gjithë kjo, por i njoh mirë, janë të mirë.”
Lini një Përgjigje