FLASH
Shkruar nga Pamfleti
Zëdhënësja e Shtëpisë së Bardhë Carolyn Leavitt njoftoi sonte se tarifat që Donald Trump paralajmëroi të vendoste mbi produktet e importuara nga Kanadaja, Meksika dhe Kina duke filluar nga 1 shkurti do të hyjnë në fuqi këtë fundjavë.
“Presidenti do të vendosë tarifa prej 25% në Meksikë, 25% në Kanada dhe 10% në Kinë, nesër, më 1 shkurt, për fentanilin e paligjshëm që ata prodhojnë dhe lejojnë të qarkullojë në vendin tonë”, tha Leavitt gjatë një konference për shtyp.
Zëdhënësja tha se ajo "nuk sheh" fillimin e një lufte tregtare me Kanadanë, megjithëse kryeministri kanadez Justin Trudeau paralajmëroi më herët se Otava do t'i përgjigjet "menjëherë dhe me forcë" vendosjes së tarifave. Trump do t'i përgjigjet deklaratave të Trudeau "në kohën e duhur", shtoi Leavitt.
Sipas Leavitt, presidenti amerikan nuk ka vendosur ende se kur do të vendosë tarifa ndaj Bashkimit Evropian.
Leavitt gjithashtu shmangu të thoshte nëse tarifat e ardhshme, nëse vendosen, do të jenë të njëjta për të gjitha vendet anëtare të BE-së apo nëse do të ketë diferencime.
Lini një Përgjigje