FLASH
Shkruar nga Pamfleti
Një aksident tragjik ka ndodhur në Itali, pasi një vajzë e mitur ka humbur jetën nga përplasja e një helikopteri ushtarak.
Një avioni i aeronautikës ushtarake italiane është rrëzuar në aeroportin Caselle të Piemontes. Aty pranë ndodheshin anëtarët e një familje duke ecur me makinë dhe për pasojë një vajzë 5-vjeçe ka vdekur, ndërsa vëllai i saj 9 vjeç dhe prindërit janë dërguar në spitalin Regina Margherita të Torinos me djegie të shumta.
Përplasja ndodhi gjatë testeve në funksion të paradës së planifikuar për të dielën për njëqindvjetorin e forcave ajrore. Nga imazhet e para që qarkullojnë në internet, avioni Frecce Tricolori humbet ngadalë lartësinë dhe piloti shihet që hap parshutën dhe del nga mjeti.
Grupi prej dhjetë avionësh shfaqet i ndarë në dy formacione me nga 5, nga të cilët shkëputet dhe përplaset njëri prej tyre. Topi i zjarrit duket se vazhdon drejt fermave në komunën e San Francesco al Campo.
Lini një Përgjigje