FLASH
Shkruar nga Pamfleti
Shefi i aleancës, Jens Stoltenberg ka paralajmëruar se performanca ushtarake e Rusisë në Ukrainë mund të përcaktojë nëse Kina do pushtojë apo jo Tajvanin.
Stoltenberg deklaroi se nëse Putini arrin të pushtojë Ukrainën, kjo do t’i dërgojë një “Ok” Kinës për të marrë me forcë Tajvanin.
“Ajo që po ndodh sot në Evropë, nesër mund të ndodhë në Azi. Rezultati i luftës në Ukrainë ndikon në përfundimet që do të nxirren në Pekin. Kjo përfshin Tajvanin. Nëse Putini arrin atë që dëshiron me Ukrainën duke thyer ligjin ndërkombëtar dhe duke përdorur forcën ushtarake, atëherë është një mesazh për liderët e tjerë autoritarë gjithashtu në Pekin se ata mund të arrijnë atë që duan duke përdorur forcën ushtarake”, tha Stoltenberg.
Qeveria e zgjedhur në mënyrë demokratike në Tajvan ka hedhur vazhdimisht poshtë pretendimet kineze mbi ishullin, me një shumicë dërrmuese të njerëzve që duan që ai të mbetet një vend i pavarur. Nga ana tjetër, presidenti kinez Xi Jinping vazhdimisht bën thirrje për një “proces paqësor ribashkimi”, por Kina mund të përdorë forcën nëse ka nevojë.
Lini një Përgjigje