FLASH
Shkruar nga Pamfleti
Presidentja e Komisionit Evropian, Ursula von Der Leyen tha se Moska përpiqet të ndezë konflikte të vjetra në Ballkan.
Gjatë fjalës së saj në Forumin Strategjik të Bled në Slloveni, ajo shtoi se Putin tenton ta bëjë këtë gjë sa herë ka përparim në Ballkanin Perëndimor.
Von Der Leyen u shpreh se shumica dërrmuese e njerëzve në Ballkanin Perëndimor duan integrim, jo fragmentim dhe nuk duhet të dorëzohemi.
“Gjatë historisë ky rajon ka qenë shpesh një kufi midis botëve. Mes Lindjes dhe Perëndimit. Midis veriut dhe jugut. Por brezat e saj të rinj kanë zgjedhur një rrugë tjetër. Ata kanë zgjedhur të jenë pjesë e një familjeje të përbashkët evropiane. Ata kanë zgjedhur të udhëtojnë, të tregtojnë dhe të lulëzojnë së bashku me fqinjët e tyre evropianë.
Udhëheqja aktuale ruse, që jeton në të kaluarën, refuzon të pranojë këtë realitet të thjeshtë. Sa herë që ka përparim drejt pajtimit dhe integrimit rajonal në Ballkanin Perëndimor, Kremlini përpiqet të ndezë konflikte të vjetra. Rusia kërkon vazhdimisht të krijojë përçarje mes Ballkanin Perëndimor dhe mes Ballkanit Perëndimor dhe pjesës tjetër të Evropës. Por shumica dërrmuese e njerëzve në Ballkanin Perëndimor duan integrim, jo fragmentim. Dhe ne duhet të dorëzohemi”, tha Ursula von Der Leyen.
Lini një Përgjigje