FLASH
Shkruar nga Pamfleti
Në Serbi vijojnë protestat e studentëve të cilët prej ditësh bllokojnë rrugët e Beogradit. Ndërkohë që në protestën e sotme pati një incident ku një makinë mori përpara protestuesit dhe plagosi një studente
Në videon e filmuar nga dëshmitarët okularë, shihet se një mjet tip “FordFocus” del në trotuar dhe godet studenten e cila përfundon në çatinë e makinës.
Shoferi ka vazhduar të ecë me makinën dhe vajzën në çati, për disa metra më pas ajo ka rrëshqitur dhe ka rënë në rrugë.
View this post on Instagram
Më pas ekipi i urgjencës ka mbërritur me shpejtësi në vendngjarje dhe ka transportuar vajzën në qendrën e urgjencës. Mësohet se ajo është dërguar në gjendje të vetëdijshme në Qendrën Klinike të Beogradit.
Në njoftimin e policisë thuhet se për shkak të lëndimeve të saj, janë duke u zhvilluar diagnostifikime shtesë, pas së cilës spitali do të informojnë opinionin për gjendjen dhe lëndimet e saj.
Pas incidentit, studentët e Fakultetit Juridik, së bashku me kolegët e fakulteteve të tjera të Beogradit, brenda një ore bllokuan qarkullimin në bulevardin Kralja Aleksandra dhe u bënë thirrje qytetarëve që t'i bashkohen në dënimin e dhunës, ndaj studentes.
Lini një Përgjigje