FLASH
Shkruar nga Pamfleti
Beteja e shefit të Wagner, Yevgeny Prigozhin me kancerin thuhet se ka luajtur një rol në vendimin e tij për të nisur një rebelim të dukshëm kundër Moskës.
“Proekt”, një gazetë ruse e ndaluar tani nga Rusia, fillimisht citoi se një nga ish-pjesëtarët e Wagner, kishte thënë se Prigozhin ishte diagnostikuar me kancer dhe prej kohësh bënte terapi intensive.
Sipas ish pjesëtarit të Wagner vendimi i tij për të nisur një grusht shteti erdhi si shkak i gjendjes së tij të rënduar psikologjike. Ai tregoi mentalitetin e një njeriu që ka pak për të humbur.
Ish pjesëtari i Wagner tha se Prigozhinit i kishin prerë stomakun për shkak të kancerit dhe kishte kohë që nuk po shihte rezultat dhe për këtë arsye, argumenton ai, vendimi është marrë pa frikë, për shkak se Prigozhin e dinte se i ka ditët e numëruara.
Kujtojmë se rebelimi Wagner, i nisur më 23 qershor, u shpall një 'marshim për drejtësi' që synonte të largonte nga postet e tyre ministrin rus të Mbrojtjes Sergei Shoigu dhe Valery Gerasimov, shefin e Shtabit të Përgjithshëm.
Prigozhin është përplasur gjatë gjithë luftës me forcat e armatosura kombëtare të Rusisë, ndërsa dërgoi mercenarët e tij privatë në vijën e frontit për të vdekur. Shtytja bëri përparim të shpejtë, duke pushtuar Rostovin dhe duke kaluar në rajonet ruse. Gjashtë helikopterë të ushtrisë ruse dhe një avion thuhet se u rrëzuan në përleshje.
Por kryengritja nuk pati sukses në objektivat e saj, pasi Prigozhin negocioi paqen nëpërmjet presidentit bjellorus Aleksandër Lukashenko përpara se të arrinte në Moskë./Daily Mail
Lini një Përgjigje