FLASH
Shkruar nga Pamfleti
Një kirurg britanik, i cili ka kaluar vite duke u bërë vullnetar në spitalet e Gazës, tha se ai nuk ishte i përgatitur për atë që pa në vizitën e tij të fundit në rripin e Gazës.
Dr. Nick Maynard, i cili ishte në Gaza në dhjetor dhe janar, tha në një konferencë për media në Kombet e Bashkuara të martën, tha se ka parë tmerr me sy gjatë kohës që shërbeu atje.
Ai deklaroi se një fëmijë kishte pësuar djegie të mëdha dhe i dukeshin kockat e fytyrës, teksa shtoi se edhe pse e dinin se ajo do të vdiste, ata nuk kishin mundësi të bënin asgjë për t’i lehtësuar asaj dhimbjen për shkak se mungonte morfina.
“Kam parë gjëra në spitalin Al-Aksa për të cilat zgjohem ende natën duke menduar për të. Lëndime të tmerrshme, veçanërisht te gratë dhe fëmijët. Djegiet më shkatërruese te fëmijët e vegjël. Një fëmijë kishte djegie aq keq sa mund t'i shihje kockat e fytyrës së saj. Ne e dinim se nuk kishte asnjë shans që ajo të mbijetonte. Por nuk kishte morfinë për t'i dhënë asaj. Pra, jo vetëm që ajo do të vdiste në mënyrë të pashmangshme, por do të vdiste në agoni. Dhe çfarë e bënte edhe më keq që ajo nuk kishte ku të shkonte e të vdiste. Kështu që ajo u la në dyshemenë e departamentit të urgjencës për të vdekur. Dhe kjo është vetëm një histori. Të gjithë kemi parë histori të shumta të tilla”, tha ai.
Maynard ishte një nga katër mjekët që folën pas vizitave të fundit në Rripin e Gazës. Delegacioni shpreson të rrisë ashpërsinë e situatës humanitare me anëtarët e Kongresit dhe Departamentit të Shtetit të Shteteve të Bashkuara. Maynard i tha CNN se delegacioni do të takohet me zyrtarë të administratës së presidentit amerikan Joe Biden të premten.
Agjencitë e ndihmave kanë akuzuar Izraelin për pengimin e dërgimit të ndihmave humanitare në Gaza, një pretendim që Izraeli e ka mohuar vazhdimisht.
Lini një Përgjigje