FLASH
Shkruar nga Pamfleti
Lufta Izrael-Hamas nuk po zhvillohet vetëm mes palestinezëve dhe hebrenjve. Është fushëbeteja aktuale e një lufte shumë më të madhe që po zhvillohet nga Irani dhe përfaqësuesit e tij në Perëndim...
Regjimi i Iranit është i prirur për të nxitur shkatërrim përtej Lindjes së Mesme dhe ai përbën kërcënimin më të madh për rendin botëror. Ky ëshë paralajmërimi i një ish-ambasadori amerikan.
Mark Wallace i tha “The Sun” se krijimi i një arme bërthamore është vetëm një fije floku në fushatën globale të zhytur në gjak të Teheranit për të ngjallur terror.
“Irani është shteti numër një sponsorizues i terrorizmit dhe aktori më i frikshëm, terrorist dhe destabilizues në skenën botërore”, tha Mark Wallace.
“Është Irani dhe jo dora e fshehur e Iranit pas sulmeve të tmerrshme të 7 tetorit dhe atyre që i paraprinë atij”, shtoi ai.
Kjo u bë e qartë kur terroristët e Hamasit të mbështetur nga Irani, arritën të depërtojnë mbrojtjen izraelite dhe të sulmojnë Izraelin jugor për të vrarë 1200 persona dhe tërhequr zvarrë rreth 240 pengje në Gaza.
Por lufta Izrael-Hamas nuk po zhvillohet vetëm mes palestinezëve dhe hebrenjve, tha Wallace. Është fushëbeteja aktuale e një lufte shumë më të madhe që po zhvillohet nga Irani dhe përfaqësuesit e tij në Perëndim.
Vetëm këtë javë u zbulua një komplot i dështuar iranian për vrasjen e gazetarëve iranianë me bazë në Mbretërinë e Bashkuar. Korpusi i Gardës Revolucionare iraniane (IRGC) u përpoq të vriste dy prezantues iranianë të lajmeve që flisni kundër regjimit. Për dekada, IRGC është akuzuar për kryerjen e sulmeve terroriste globale dhe marrje pengjesh në tokë të huaj.
Dhe me Iranin që tani thuhet se përbën kërcënimin më të madh për sigurinë kombëtare britanike, Wallace tha: "Unë mendoj se Mbretëria e Bashkuar dhe lidershipi i saj duhet të shikojnë me kujdes në pasqyrë".
Për dekada të tëra, Irani krijoi përfaqësuesin e tij në kufirin izraelit, duke filluar me tunelet për të kontrabanduar dhe fshehur pafund raketa dhe para. Inteligjenca amerikane vlerëson se Irani investon 80 milionë euro në vit në Hamas. Megjithatë, shteti i pabesë nuk u ndal me kaq.
Së bashku me përfaqësuesit e tij të terrorit, Irani është pjesë e të vetëquajturit "Boshti i Rezistencës" kundër Izraelit, me qëllimin e qartë të shkatërrimit të shtetit hebre me çdo kusht.
Wallace përshkruan se si Irani investoi për ëndrrën e një lufte me shumë fronte kundër Izraelit duke e rrethuar atë me Hamasin dhe Xhihadin Islamik Palestinez (PIJ) në perëndim, Hezbollahun e Libanit në veri dhe rebelët Houthi të Jemenit në jug.
Irani goditi pikërisht tani, për të "shkatërruar shpërthimin e paqes në të gjithë Lindjen e Mesme”. Dhe si rezultat "pafajësia palestineze përdoret si mish për top".
"Ata festuan vrasjen e hebrenjve, por nuk marrin asnjë përgjegjësi për vdekjet e palestinezëve," tha Wallace.
Dhe ndërsa Izraeli vazhdon ofensivën e tij brutale që po copëton Rripin e Gazës, përfaqësuesit iranianë vazhdojnë të lëshojnë ferrin kudo.
Hezbollahu ka një kontroll tmerrësisht të fortë ushtarak dhe politik në Liban. Është bërë një nga grupet joshtetërore më të armatosura në botë falë dekadave të mbështetjes iraniane.
Që kur shpërtheu lufta, grupi terrorist i Libanit është përfshirë në përleshje të përditshme kufitare me Izraelin - duke detyruar një pjesë të konsiderueshme të ushtrisë izraelite të fiksohej në kufirin e saj verior.
Kjo është një taktikë e llogaritur nga Irani për të "hequr presionin nga Hamasi", tha Sir Ivor Roberts, këshilltar i lartë i UANI dhe Projektit Kundër Ekstremizmit (CEP).
Në rolin e tij si kreu i anti-terrorizmit të Britanisë së Madhe, ai u përball me Hezbollahun në vitet 1980, ndërsa ata ndoqën një fushatë të egër të rrëmbimit të perëndimorëve.
Njëkohësisht, një betejë e veçantë po zhvillohet nga rebelët Houthi pasi Irani sponsorizon ferrin që ata po lëshojnë në anijet në Detin e Kuq.
Grupi militant, i cili tani kontrollon pjesën më të madhe të Jemenit, kaloi mbi një dekadë duke u injoruar kryesisht nga bota. Tani, ata kanë dalë nga një errësirë relative në mbajtjen peng afërsisht të 1 trilion paund të tregtisë botërore, ndërsa e kthejnë një nga korsitë më të ngarkuara të transportit në botë në një zonë luftarake aktive.
Houthi-t kanë kryer mbi 100 sulme me dronë e raketa dhe kanë kryer rrëmbime në çdo anije që ata besojnë se po udhëton drejt dhe nga portet izraelite.
Udhëheqësit e tyre janë zotuar se sulmet do të vazhdojnë derisa Izraeli të ndalojë bombardimet dhe pushtimin e tij shkatërrues të Rripit të Gazës.
Por ndërsa kompanitë më të mëdha të transportit në botë i ndalojnë operacionet e tyre, Houthi-t kanë sfiduar drejtpërdrejt SHBA-në me një mesazh të thjeshtë: 'Nëse na godisni, ne do t'ju godasim menjëherë'.
Pavarësisht se më parë e kishte nënvlerësuar Hezbollahun, Sir Roberts tha se në vitet 1980, "Ne nuk kishim asnjë iluzion atëherë se iranianët ishin një kërcënim absolut". Por që atëherë, ai argumenton se "ekuilibri i fuqisë në botë tani ka ndryshuar".
Irani e kishte lidhur veten me një luftë me Irakun dhe sapo ajo mbaroi në 1988, regjimi - që ka mbetur në pushtet që nga Revolucioni Islamik i vitit 1979 - ishte në gjendje të ripërqendrohej në objektiva më globale.
Tani, Irani përbën një kërcënim në tre fronte qendrore, shpjegoi ish-kreu i anti-terrorizmit të Britanisë së Madhe.
Së pari, kërcënimi për stabilitetin dhe paqen rajonale me mbështetjen e tij për grupet terroriste duke përdorur "aftësitë e tij të konsiderueshme ushtarake që janë shumë afër aftësisë bërthamore".
Së dyti, kërcënimi që paraqet për qytetarët e tyre që përballen me shtypje të rëndë.
Së fundi, në një shkallë globale, Irani ka "kryer paturpësisht goditjen e pamëshirshme të disidentëve dhe kritikëve të regjimit jashtë shtetit për vite me radhë". /Përshtati “Pamfleti” nga “The Sun”
Lini një Përgjigje