FLASH
Shkruar nga Pamfleti
Presidenti rus dhe ish-presidenti amerikan ndajnë një koncept hobsian të marrëdhënieve të pushtetit, ku ligji i rregullave të forta dhe frikësimi, është një mjet legjitim...
Shpërthimi në aeroplanin ku po udhëtonin komandanti i Wagner-it, Evgenij Prigozhin dhe zëvendësi i tij, konfirmoi, sistemin “diktatorial” të ngritur nga Vladimir Putin. Sipas shumicës së analistëve, presidenti rus ka përfunduar kështu transformimin e vendit të tij në një shtet mafioz, që nuk mund të tolerojë asnjë formë mospajtimi kundër urdhrave të dhëna nga lart.
Mëkati i pafalshëm i kryer nga themeluesi i organizatës paraushtarake, është ai i përpjekjes për të marshuar drejt Moskës dhe për rrjedhojë në mënyrë implicite kundër carit. "Ai ishte një njeri i talentuar që bënte gabime", kujtoi ish-miku i tij Putin. Fundi i dhunshëm i Prigozhin përfaqëson vetëm rastin më të fundit të një sërë vdekjesh, ku përmendim Alexander Litvinenko, një ish-spiun rus i helmuar në 2006 në Londër; Anna Politkovskaja, një gazetare "e papërshtatshme" e vrarë në të njëjtin vit dhe Boris Nemtsov, një politikan popullor opozitar u qëllua për vdekje në vitin 2015. Lista bëhet më e gjatë nëse shtojmë tentativat për helmim kundër Sergei Skripal, një ish-spiun rus, dhe kritikët e presidentit Alexei Navalny dhe Vladimir Kara-Murza.
“Ne nuk jemi bandë. Ne nuk jemi grup mafioz. Nuk kërkojmë hakmarrje si në librin “ Kumbari ” të Mario Puzos. Ne jemi një komb. Një komb i bazuar në ligje”, kjo është përgjigja e Vladimir Solovyov, prezantues i televizionit rus ndaj atyre që u përpoqën të lidhin Putinin me vdekjen e Prigozhin.
Nga faqet e Financial Times, gazetari Gideon Rachman e përkufizoi këtë koment si një shembull klasik të thënies franceze " qui s'excuse, s'accuse " duke pranuar se shumë nga veprimet e presidentit rus i atribuohen një kodi mafioz sjelljeje. Nëse nuk ndëshkohet, çdo fyerje ndaj pushtetit të tij kërcënon stabilitetin e regjimit, duke e bërë atë më të dobët.
Por Rachman vë në dukje disa ngjashmëri në marrëdhëniet midis burrit të fortë rus dhe një politikani tjetër përtej Atlantikut, Donald Trump. Sipas Catherine Belton, biografit të Putin, në atë kohë nënkryetar i bashkisë së Shën Petersburgut, krijoi lidhje me individë nga bota kriminale e qytetit në vitet 1990. Shërbimet inteligjente të Moskës për të cilat ai punoi më vonë, kishin gjithashtu lidhje të rëndësishme me krimin e organizuar.
Në vend të kësaj, Trump ka bërë pasurinë e tij në sektorët e ndërtimit dhe kazinove, duke lëvizur në një mjedis të ngjashëm. Është domethënëse që një nga këshilltarët e tij kryesor ishte Roy Cohn, një avokat për shumë familje mafioze në Nju Jork. Në politikën e jashtme në kohën e presidencës së tij, miliarderi shpesh jepte përshtypjen se i trajtonte Vladimir Putin, Kim Jong Un dhe Rexhep Tajip Erdogan si bosë të klaneve rivale.
Trump nuk e ka fshehur kurrë admirimin e tij të fortë për Putinin dhe shkaktoi sensacion kur takoi homologun e tij rus në Helsinki dhe deklaroi se e besonte atë, duke mohuar kështu raportimet e inteligjencës që pretendonte ndërhyrjen e Rusisë në zgjedhjet e 2016- ës. Për më tepër, nuk ka kaluar pa u vënë re se, për një rastësi kurioze, një ditë pas vrasjes së Prigozhin, manjati u padit nga një gjykatë në Xhorxhia, mbi bazën e një ligji kundër mafias.
Presidenti rus dhe ish-presidenti amerikan ndajnë një koncept hobsian të marrëdhënieve të pushtetit, ku ligji i rregullave të forta dhe frikësimi, është një mjet legjitim. Me të paktën një ndryshim të rëndësishëm. Putin vepron i padiskutueshëm brenda një shteti mafioz të formuar sipas vullnetit të tij dhe për të cilin nuk parashikohet asnjë formë e përgjegjësisë ligjore dhe politike. Megjithatë, aktakuzat e Trump tregojnë se, pavarësisht zërave për një rënie të demokracisë në yje dhe vija, në Shtetet e Bashkuara sundimi i ligjit ende përfaqëson një pengesë efektive ndaj lëvizjeve autoritare të të fuqishmëve në detyrë. /Përshtati “Pamfleti” nga “Inside Over”
Lini një Përgjigje