FLASH
Shkruar nga Pamfleti
Joe Kent, ish-shefi i antiterrorizmit në SHBA, i cili dha dorëheqjen nga administrata e Donald Trump për shkak të konfliktit me Iranin, i ka bërë thirrje presidentit që t’i japë fund luftës sa më shpejt.
Duke reaguar ndaj fjalimit të Trump, Kent shkroi në platformën X se vijimi i luftës nuk është mënyra për të nderuar të rënët amerikanë.
Ai theksoi se “ne nuk i nderojmë të rënët tanë duke vrarë më shumë nga burrat dhe gratë tona më të mira në Lindjen e Mesme”, duke shtuar se nderimi i tyre vjen përmes mësimit nga gabimet e së kaluarës.
Sipas tij, “ne i nderojmë të rënët tanë duke mësuar nga e kaluara jonë dhe duke derdhur vetëm gjak amerikan në mbrojtje të kombit tonë”.
Kent paralajmëroi për pasojat e vazhdimit të konfliktit, duke theksuar se “koha më e mirë për të dalë nga një luftë e zgjedhur është tani, përpara se të humbasim më shumë jetë”.
Ai kishte dhënë dorëheqjen më 17 mars nga posti i drejtorit të Qendrës Kombëtare Kundër Terrorizmit, duke deklaruar më herët se nuk mund të vazhdonte detyrën “me ndërgjegje të pastër” për shkak të luftës kundër Iranit, të cilën e konsideron të nisur pa autorizimin e Kongresit dhe në koordinim me Izraelin.
Lini një Përgjigje