FLASH
Shkruar nga Pamfleti
Ai bashkëjeton me Nolwenn Olivier, mbesën e Marine Le Pen...
“Do të zëmë vendin e Emmanuel Macron”, deklaronte i bindur Jordan Bardella nga skena e kongresit të Kuvendit Kombëtar, ku u zgjodh president i partisë. Falë mbështetjes së Marine Le Pen, të shtunën më 5 nëntor, Bardella mori 84% të votave, një shumicë e madhe, kundër kandidatit tjetër Louis Aliot, kryebashkiak i Perpignan (në jug të Francës) dhe ish-partner i vetë Marine Le Pen.
Bardella është lideri i parë i partisë i lindur pesë dekada më parë, i cili nuk mban emrin e themeluesit Le Pen. Edhe pse 28 vjeç, ai shfaqet i vendosur për të arritur objektivin e marrjes së pushtetit, duke e bërë Rassemblement National një "parti qeveritare", përtej ndarjes majtas-djathtas.
Nëna, Luisa Bertelli, e cila mbërriti në Francë nga Torino në vitin 1963 , është një punonjëse në çerdhe. Presidenti i Rassemblement National u rrit me të, duke jetuar me të atin të mërkurave (shpesh një ditë pa shkollë në Francë) dhe në fundjavë.
Pas mbarimit të shkollës së mesme ekonomike-sociale në gjimnazin privat Jean-Baptiste-de-La-Salle në Saint-Denis, Bardella studioi gjeografi në Universitetin e Parisit-Sorbonne, më pas ndërpreu studimet për t'iu përkushtuar politikës. Ai jeton si çift me Nolwenn Olivier, mbesën e Marine Le Pen pasi ajo është vajza e Marie-Caroline Le Pen (motra më e madhe e Marine). Gjë që solli kritika dhe dyshime për favorizim për shkak të lidhjes së tij familjare me liderin e lëvizjes.
Sapo u zgjodh president i Kuvendit Kombëtar, Jordan Bardella duhej të përballej me protestën e Steeve Briois, kryebashkiaku i Hénin-Beaumont, i cili mbështeti kandidatin tjetër Louis Aliot. I përjashtuar nga zyra ekzekutive e partisë, Briois bëri thirrje për një "spastrim" të kundërshtarëve të tij. Briois e konsideron veten shprehje të njërit prej dy shpirtrave të partisë, atij “social” që ka si përparësi fuqinë blerëse dhe mbrojtjen e kushteve ekonomike të klasave popullore; Sipas tij, Bardella në vend të kësaj përfaqëson shpirtin “identitar”, më të fokusuar në mbrojtjen e vlerave tradicionale franceze të kërcënuara nga të huajt.
Lini një Përgjigje