FLASH
Shkruar nga Pamfleti
Sekretari amerikan i Shtetit, Antony Blinken ka deklaruar se kundërofensiva e Ukrainës po jep rezultate pozizive pasi sipas tij, Kievi ka çliruar rreth 50% të territorit që Rusia pushtoi një vit më parë.
Ai shtoi se gjithashtu se kjo nuk do të thotë se jemi drejt fundit, por paralajmëroi se kundërofensiva e Kievit do të vazhdojë për disa muaj.
“Këto janë ende ditë relativisht të hershme të kundërofensivës. Është e vështirë, nuk do të jetë efektive gjatë javës ose dy javëve të ardhshme. Mund të zgjasë me muaj të tërë”, tha Blinken.
Ukraina ka nisur muaj më parë kundërofensivën e saj të shumëpritur për të zmbrapsur ushtrinë ruse nga zonat e tyre. Fillimisht ajo nisi me shumë vështirësi dhe pak avancime, megjithatë sipas raportimeve të SHBA-së Ukraina po avancon.
Kujtojmë se kundërofensiva është faktori kyç për luftën në Ukrainë, pasi ajo do të përcaktojë kushtet se si do të përfundojë lufta.
Lini një Përgjigje