FLASH
Shkruar nga PamfletiAi paralajmëron se po hyjmë në një epokë të re, ku truri i njeriut mund të shndërrohet në fushëbetejë.
Armët për kontrollin e mendjes mund të tingëllojnë si pjesë e filmave fantastiko-shkencorë, por ekspertët paralajmërojnë se ato po afrohen me shpejtësi drejt realitetit.
Dy studiues të Universitetit të Bradfordit, Dr. Michael Crowley dhe profesori Malcolm Dando, në librin e tyre të ri theksojnë se avancimet e fundit në neuroshkencë duhet të shërbejnë si alarm për botën.
Sipas profesor Dandos, e njëjta njohuri që përdoret për trajtimin e çrregullimeve neurologjike mund të përdoret edhe për të ndikuar perceptimin, kujtesën apo sjelljen e individëve, shkruan Daily Mail.
Ai paralajmëron se po hyjmë në një epokë të re, ku truri i njeriut mund të shndërrohet në fushëbetejë.
SHBA, Kina, Rusia dhe Britania kanë studiuar armë të tilla që nga vitet ’50. Një prej shembujve më të njohur është substanca amerikane “BZ”, e cila shkakton halucinacione dhe çrregullime të thella mendore, ndërsa Kina ka zhvilluar një “armë narkoze” që qëllon shiringa me kimikate paralizuese.
Rasti i vetëm i përdorimit të një arme që synon sistemin nervor në konflikt mbetet ai i Moskës në vitin 2002, kur forcat ruse përdorën një derivat të fentanilit për të çaktivizuar militantët çeçenë, duke shkaktuar vdekjen e 120 pengjeve.
Shkencëtarët paralajmërojnë se rreziqet po rriten, pasi kërkimet moderne mbi “qarqet e mbijetesës”, zonat e trurit që kontrollojnë frikën, gjumin dhe vendimmarrjen, mund të keqpërdoren për krijimin e armëve që manipulojnë funksionet mendore.
Konventa për Armët Kimike ndalon përdorimin e kimikateve të dëmshme, por ekziston një zonë gri që lejon përdorimin e disa kimikateve në rrethana të caktuara, siç është zbatimi i ligjit.
Kjo lë një justifikim të mundshëm ligjor për zhvillimin dhe përdorimin e armëve të fuqishme të kontrollit të mendjes brenda fushëveprimit aktual të ligjit.
"Ekzistojnë boshllëqe të rrezikshme rregullatore brenda dhe midis këtyre traktateve. Nëse ato nuk mbyllen, kemi frikë se disa shtete mund të guxohen t'i shfrytëzojnë ato në programe të dedikuara të CNS dhe programe më të gjera të armëve agjentë paaftësues.Ne duhet të veprojmë tani për të mbrojtur integritetin e shkencës dhe shenjtërinë e mendjes njerëzore.", thotë Profesori Dando.
Lini një Përgjigje