FLASH
Shkruar nga Pamfleti
Policia spanjolle ka kapur një sasi rekord droge. Nga aksioni i kryer në Portin e Algeciras nga autoritetet spanjolle u sekuestruan një sasi prej 9.5 tonë kokainë të futura në kuti babanesh.
Kokaina e gjetur në kontejnerë me babanë vinte nga Ekuadori. Deri më tani nuk raportohet për të arrestuar.
“Ky operacion ishte një goditje e paprecedentë për një nga organizatat kriminale më të rëndësishme në botë në shpërndarjen e kokainës, duke synuar rrjetet kryesore kriminale në Evropë”, thuhet në deklaratë.
Kutitë ishin të shënuara me më shumë se 30 logo të ndryshme bananesh që përputheshin me rrjetet e ndryshme kriminale evropiane që do të merrnin kokainën.
Policia nuk dha emra të organizatës apo rrjeteve kriminale në Evropë. Droga u gjet më 23 gusht në një kontejner frigoriferik, shtoi policia.
Beteja për të goditur grupet kriminale vazhdon paralajmërojnë autoritetet spanjolle. Ndërsa në 2018 forcat dhe trupat e sigurisë së Shtetit zhvilluan gjithashtu një betejë të ashpër , ku pas më shumë se 14,000 operacioneve, pati mbi 13,400 të arrestuar.
Lini një Përgjigje