FLASH
Shkruar nga Pamfleti
Sulmet ajrore izraelite goditën një shkollë në Gazën qëndrore ku strehoheshin të zhvendosurit, duke vrarë dhjetëra njerëz. Sulmi i së shtunës ndodhi ndërsa negociatorët përgatiteshin të takonin ndërmjetësuesit ndërkombëtarë për të diskutuar propozimin për një armëpushim. Të paktën 30 persona të strehuar në një shkollë vajzash në Deir Al-Balah u dërguan në spitalin Al Aqsa dhe u shpallën të vdekur pas një sulmi që ushtria izraelite tha se kishte si objektiv një qendër komandimi dhe kontrolli të Hamasit që përdorej për ruajtjen e armëve dhe planifikimin e sulmeve.
Ndërkohë, ushtria izraelite ka urdhëruar evakuimin e një pjese të një zone humanitare në Gazë përpara një sulmi të planifikuar në qytetin Khan Younis.
Urdhri i evakuimit të shtunën erdhi në përgjigje të një sulmi me raketa që Izraeli tha se u krye prej asaj zone.
Lufta në Gazë ka vrarë më shumë se 39,200 palestinezë, sipas Ministrisë së Shëndetësisë, e cila nuk bën dallime midis luftëtarëve dhe civilëve.
Lufta filloi pas një sulmi nga militantët e Hamasit në jug të Izraelit më 7 tetor ku u vranë 1200 persona, shumica prej tyre civilë ndërsa 250 vetë u morën peng.
Lini një Përgjigje