FLASH
Shkruar nga Pamfleti
Sekretari i Përgjithshëm i Hezbollahut, Naim Kassem, deklaroi se marrëveshja SHBA–Iran përbën një "pranim zyrtar të humbjes" së Shteteve të Bashkuara dhe Izraelit, ndërsa hodhi poshtë çdo mundësi normalizimi të marrëdhënieve me Izraelin...
Sekretari i Përgjithshëm i Hezbollahut, Naim Kassem, deklaroi se Izraeli duhet të tërhiqet plotësisht dhe pa kushte nga territori libanez.
"Nuk i mbetet asnjë zgjidhje tjetër Izraelit përveçse të tërhiqet plotësisht nga çdo pëllëmbë e territorit tonë libanez. Izraeli duhet të largohet pa kushte", tha Kassem në një fjalim televiziv.
Ai shtoi se prania e Izraelit në Liban nuk lidhet me raketat e Hezbollahut, por me, sipas tij, synimin e Izraelit për të pushtuar dhe kontrolluar vendin.
Duke iu referuar memorandumit të mirëkuptimit mes Shteteve të Bashkuara dhe Iranit, Kassem e cilësoi atë si një "deklaratë zyrtare të humbjes" për Uashingtonin dhe Tel Avivin.
"Irani arriti të qëndrojë i palëkundur dhe të arrijë këtë memorandum mirëkuptimi, i cili përbën një deklaratë zyrtare të humbjes së Amerikës dhe Izraelit", u shpreh ai.
Fjalimi u mbajt me rastin e Ashuras, ditës së zisë në Islamin shiit që përkujton vdekjen e Imam Huseinit.
Sipas Kassemit, kundërshtarët synonin një luftë të gjerë për të "eliminuar ekzistencën" e Hezbollahut, por organizata, sipas tij, arriti ta ndalte ofensivën.
"Ne e ndaluam këtë agresion dhe arritëm një fitore të madhe. Kemi shkatërruar planin izraelito-amerikan dhe kemi hyrë në një fazë të re", deklaroi ai.
Ndërkohë që në Uashington vijojnë bisedimet mes zyrtarëve izraelitë dhe libanezë, Kassem tha se Hezbollahu nuk do të pranojë "asnjë normalizim të marrëdhënieve, asnjë heqje të gjendjes së armiqësisë, asnjë përfitim për Izraelin dhe asnjë prani, qoftë edhe të pjesshme, në territorin libanez".
"Izraeli duhet të largohet i poshtëruar dhe i mundur, dhe kjo është ajo që do të ndodhë", tha ai.
Kassem u bëri thirrje anëtarëve të qeverisë libaneze të bashkojnë qëndrimet kundër Izraelit dhe të mos veprojnë, sipas tij, në përputhje me interesat e Shteteve të Bashkuara dhe Izraelit.
Keta kane bere ca 'round about' (rotonda) e tallin bythen me popujt duke u rrjepur parate me luhatjen e cmimeve te karburantit.