FLASH
Shkruar nga Pamfleti 
Anija malazeze "Budva" u kap me 509 kg kokainë në Hamburg. Organizata kriminale e drejtuar nga Radoman dhe grupi i tij në qendër të skandalit.
Një operacion ndërkombëtar kundër trafikut të drogës ka çuar në zbulimin dhe hetimin e një rrjeti kriminal malazez, të cilët akuzohen për trafikimin e gjysmë toni kokainë, e sekuestruar në bordin e anijes malazeze "Budva" në portin e Hamburgut, Gjermani.
Gjykata e Lartë në Podgoricë ka konfirmuar aktakuzën ndaj 7 të pandehurve, të cilët akuzohen për krijimin e një organizate kriminale dhe trafikim të lëndëve narkotike.
Në mesin e tyre ndodhet edhe Vladan Radomana, udhëheqësi i dyshuar i grupit, që sipas hetimeve ka organizuar transportin e drogës nga Amerika Latine nëpërmes rrugëve detare drejt Evropës.
Droga u zbulua nga autoritetet gjermane në datën 2 maj 2020 në Hamburg, ku u gjet e fshehur në torba që "shkëlqenin" në errësirë, të dizajnuara enkas për të shmangur zbulimin. Kjo metodë e sofistikuar tregon nivelin e lartë të planifikimit dhe teknologjisë së përdorur nga grupet kriminale ballkanike.
Anija "Budva", pronë e shtetit malazez, u përdor nga grupi si mjet transporti për të maskuar veprimtarinë ilegale nëpër rrugë detare. Përveç trafikut të drogës, njëri prej të pandehurve akuzohet edhe për armëmbajtje pa leje dhe posedim materiali shpërthyes.
Ky rast e vendos sërish Ballkanin Perëndimor në qendër të vëmendjes si nyje kyçe e trafikimit ndërkombëtar të lëndëve narkotike. Portet evropiane si Hamburgu janë kthyer në destinacione strategjike të rrjeteve kriminale të lidhura me grupet nga Mali i Zi, Serbia, Shqipëria dhe Bosnje-Hercegovina.
Dështon qasja e "luftës me deklarata". Në mungesë të bashkëpunimit të thelluar ndërpolicor, rrjete të tilla vazhdojnë të operojnë me kapacitete të mëdha logjistike dhe korruptive.
Ky rast tregon domosdoshmërinë për:
-Hetime të pavarura dhe bashkëpunim real me autoritetet e BE dhe INTERPOL;
-Shkëputje të lidhjeve mes politikës, krimit dhe korrupsionit institucional;
-Forcim të kontrollit mbi transportin detar dhe auditim të pronave shtetërore të përdorura në trafik.
Çështja "Budva" nuk është thjesht dosje kriminale, por sinjal alarmi për të gjithë rajonin. Vetëm një drejtësi e pavarur dhe një shtet ligjor mund të ndalë përhapjen e kësaj epidemie kriminale që po mbështillet në flamurin e shtetit dhe në kostumin e biznesit legal./Pamfleti
Lini një Përgjigje