FLASH
Shkruar nga Pamfleti
Kryeministri izraelit Benjamin Netanyahu po zhvillon bisedë telefonike urgjente me kabinetin e tij në lidhje me vendimin e Gjykatës Ndërkombëtare të Drejtësisë (GJND), që detyron Izraelin të ndalojë sulmin në Gaza.
Ministri i Jashtëm, Ministri i Çështjeve Strategjike, Ministri i Drejtësisë, Ministri i Mbrojtjes, kreu i Këshillit të Sigurisë Kombëtare dhe Prokurori i Përgjithshëm po flasin të gjithë me Netanyahun, thuhet në një deklaratë të Zyrës së Kryeministrit.
Ministri i Financave i ekstremit të djathtë të Izraelit Bezalel Smotrich dhe ministri i Sigurisë Kombëtare Itamar Ben Gvir i janë përgjigjur tashmë vendimit të dhënë të premten.
Në një deklaratë, Smotrich tha se ata që "kërkojnë që shteti i Izraelit të ndalojë luftën" janë duke kërkuar që Izraeli "të dekretojë veten për të pushuar së ekzistuari".
"Ne nuk do të pajtohemi me këtë... Nëse i dorëzojmë armët, armiku do të arrijë në shtretërit e fëmijëve dhe grave tona në të gjithë vendin", shtoi Smotrich.
Ben Gvir iu përgjigj gjithashtu urdhrit në një deklaratë të premten, duke e quajtur GJND, antisemitike.
“Urdhri i parëndësishëm i gjykatës antisemite në Hagë duhet të ketë vetëm një përgjigje: pushtimin e Rafahut, shtimin e presionit ushtarak dhe humbjen e plotë të Hamasit – derisa të arrihet fitorja e plotë në luftë”, tha ai.
Lini një Përgjigje