FLASH
Shkruar nga Pamfleti
Sipas të përditshmes gjermane Bild, Rusia ka një plan sekret për të sulmuar krahun lindor të NATO-s, pas një kundërofensive të suksesshme në Ukrainë dhe zmbrapsjes se ushtrisë ukrainase brenda qershorit.
Bild pretendon se ka siguruar një dokument sekret të përpiluar për këtë çështje nga forcat e armatosura gjermane. Dokumenti pohon se nga korriku, Moska mund të ndërmarrë një seri sulmesh kibernetike dhe forma të tjerë lufte hibride kundër vendeve baltike.
Do ta pasojnë, siç thuhet aty, disa përplasje të cilat nuk specifikohen qartë, të cilat Rusia mund t`i përdorë si pretekst për të nisur stërvitje masive në shkallë të gjerë në territorin e saj por edhe në Bjellorusi, pretendohet në dokumentin ushtarak.
Gati dy vjet nga fillimi i luftës në Ukrainë, si ministri i ri i jashtëm francez, ashtu dhe homologia e tij gjerman deklaruan sot se do të vazhdojnë ta mbështesin Ukrainën për të gjithë kohën e nevojshme. “Jemi krejtësisht dakord mbi faktin se duhet të mbështesim ukrainasit për të gjithë kohën që do të kenë nevojë”, deklaroi kreu i diplomacisë franceze Stephane Sejourne në një konferencë të përbashkët shtypi me Annalena Baerbock.
“Mbështetja e Ukrainës për aq kohë sa asaj do t`i duhet, nënkupton se ne duhet të organizojmë iniciativa të koordinuara në nivel europian, dhe në bindjen time, kjo përfshin edhe mbrojtjen e vlerave dhe të interesave tona”, u shpreh Stephane Sejourne.
Sejourne e siguroi Kievin gjatë një vizite të papritur të tij atje të shtunën se Ukraina mund të llogarisë në mbështetje nga Franca edhe pas ndryshimeve në kabinetin qeveritar. Edhe gjatë kohës kur ai ndodhej në kryeqytetin ukrainas, Rusia nuk i reshti bombardimet mbi rajonet ukrainase.
“Trazirat me vdekje të shumta”
Por si në vitin 2021, Rusia po abuzon me manovrat e saj të supozuara në Bjellorusi për një grumbullim masiv të trupave - në kufirin me Poloninë dhe Lituaninë.
Kështu mund të përshkallëzohen gjërat, sipas letrës sekrete të Bundeswehr-it: Në tetor, Rusia zhvendosi trupa dhe raketa me rreze të mesme veprimi në Kaliningrad dhe vazhdoi të armatoste enklavën e saj me gënjeshtrën propagandistike të një sulmi të afërt të NATO-s. Synimi sekret i Kremlinit: pushtimi i hendekut Suwalki - korridori i ngushtë polako-lituanez midis Bjellorusisë dhe Kaliningradit.
Sipas skenarit, nga dhjetori 2024 do të kishte një "konflikt kufitar" të nxitur artificialisht dhe "trazira me vdekje të shumta" në zonën e Suwalki Gap.
Pikërisht në momentin kur SHBA mund të jetë pak a shumë pa lider për disa javë pas zgjedhjes së mundshme të Joe Biden, Rusia po përsërit pushtimin e vitit 2014 të Ukrainës Lindore në tokën e NATO-s në skenarin e stërvitjes së Bundeswehr-it (Bundeswehr janë forcat e armatosura të Republikës Federale të Gjermanisë.)
Se si do të përfundonte përshkallëzimi i ri
Skenari përfundon për 30 ditë nëse Rusia do të pengohet nga vendosja e NATO-s.
BILD pyeti Ministrinë Federale të Mbrojtjes se sa të mundshme e mendojnë përshkallëzimin në fjalë.
Në fund të fundit, vetëm pak javë më parë ministri Boris Pistorius foli për pesë deri në tetë vjet që Gjermania duhej të përgatitej për një luftë të mundshme me Rusinë.
Një zëdhënës nuk deshi të komentojë mbi skenarin e mbrojtjes të aleancës, por shpjegoi: “Në thelb, mund t'ju them se shqyrtimi i skenarëve të ndryshëm, edhe nëse janë jashtëzakonisht të pamundur, janë pjesë e biznesit të përditshëm ushtarak, veçanërisht në stërvitje”./ Përshtatur nga BILD
Lini një Përgjigje