FLASH
Shkruar nga Pamfleti
Aktivistja antifashiste Ilaria Salis, e zgjedhur këtë muaj si deputete e Parlamentit Evropian (PE), u kthye në Itali të shtunën vonë pasi u lirua nga arresti shtëpiak në Budapest.
Me zgjedhjen e saj si anëtare e legjislaturës evropiane, mësuesja 39-vjeçare italiane, fitoi imunitet nga akuzat në lidhje me një sulm të supozuar ndaj neo-nazistëve.
Salis, që përfaqëson Aleancën e Majtë të Gjelbër (AVS), u kthye në shtëpinë e prindërve të saj në qytetin verior italian të Monzas të shtunën në mbrëmje, raportoi Associated Press.
Salis ishte mbajtur në Hungari për më shumë se një vit me akuza në lidhje me një sulm të supozuar ndaj neo-nazistëve në një ngjarje të ekstremit të djathtë në Budapest. Ajo u akuzua për tentativë sulmi dhe u akuzua si pjesë e një organizate ekstreme të majtë. Prokurori hungarez kishte kërkuar dënim me 11 vjet burg. Në maj, asaj iu dha arrest shtëpie në Budapest.
Çështja Salis shkaktoi një incident diplomatik kur ajo u shfaq me pranga në një sallë gjyqi hungareze ku u përball me gjyqin.
Në prill, Aleanca e të Gjelbërve dhe e Majtë njoftuan se do ta shtonin atë në listën e tyre për zgjedhjet evropiane në mënyrë që Salis të përfitonte nga imuniteti parlamentar dhe të lirohej. Më shumë se 170,000 votues në Itali votuan për Salis në një përpjekje për ta sjellë atë në shtëpi nga Hungaria.
Salis nuk ishte e vetmja kandidate për eurodeputete e cila ndodhej në qeli. Edhe Fredi Beleri i cili ndodhet në burg për blerje votash në vendin tonë, ndodhet pas hekurave. Por në ndryshim nga italianja e cila përfitoi nga imuniteti, Beleri nuk përfiton dot pasi Shqipëria nuk ndodhet në BE dhe për këtë arsye legjislacioni europian nuk ka fuqi në vendin tonë.
Lini një Përgjigje