FLASH
Shkruar nga Pamfleti
Charlie Kirk , aktivisti konservator dhe aleati i Donald Trump, u qëllua me një snajper në Utah të SHBA-së, teksa ishte i ftuar në një audiencë me të paktën 3 mijë persona. Autori i sulmit mbetet ende mister, ndërsa vijojnë kërkimet për kapjen e tij.
Autoritetet po shqyrtojnë nga afër videot dhe fotot e një burri që vrapon nga çatia menjëherë pasi Kirk u qëllua me armë zjarri.
Look closely at the roof the shooter is running away just after Charlie was shot. pic.twitter.com/zvEcBXlIj3
— WarMonitor???????????????? (@WarMonitor3) September 10, 2025
Që kur u njoftua vdekja e tij, ndikues dhe emra të mëdhenj në lëvizjen MAGA (“Make America Great Again”) e kanë quajtur atë një “martir” që ra duke mbrojtur vlerat konservatore dhe të krishtera.
Mbështetësit e Kirk janë të sigurt se kjo është një "vrasje politike".
"A e dini se sa amerikanë transgjinorë kanë qenë autorë të të shtënave masive në 10 vitet e fundit?", dëgjohet të pyesë një person nga publiku, me Charlie Kirk që i jep përgjigjen: "Shumë".
Pastaj i njëjti burrë i tha aktivistit se ishin vetëm 5, dhe Kirk e pyeti: “A po i numërojmë bandat kriminale apo jo?” Këto ishin fjalët e tij të fundit.
Presidenti Donald Trump njoftoi vdekjen e Kirkut pak kohë më vonë. "I madhi, madje legjendari Charlie Kirk ka vdekur. Askush nuk e kuptoi ose nuk e kishte njohur zemrën e të rinjve të Shteteve të Bashkuara më mirë se Charlie", shkroi presidenti në Truth Social.
Personi i armatosur, i cili po i shmanget kapjes, u fiksua në kamera duke kaluar çatinë e një ndërtese pasi qëlloi 31-vjeçarin Charlie Kirk.
Të shtënat erdhën nga “një ndërtesë afërsisht 200 metra larg”, sipas universitetit. Autori i ngjarjes qëlloi Charlie Kirk nga një vendndodhje “brenda” kampusit, “ndoshta nga çatia” e një ndërtese, thanë autoritetet lokale.
⚠️ Charlie Kirk was shot during his Utah event. Chaos broke out as the crowd ran for safety. Authorities are still investigating. Violence should never be the answer. pic.twitter.com/41jxSBpDYa
— John W James III (@John_W_James3rd) September 11, 2025
Lini një Përgjigje