FLASH
Shkruar nga Pamfleti
Gjashtë persona mbetën të plagosur pas një sulmi me thikë në një shkollë në shtetin amerikan të Uashingtonit, pas një përleshjeje.
Sipas policisë, pesë nxënës dhe një roje sigurie u transportuan në spital gjatë së enjtes. Autoritetet bëjnë me dije se të gjithë të plagosurit ndodhen në gjendje të qëndrueshme.
I dyshuari për sulmin, një nxënës i Shkollës së Mesme “Foss”, është ndaluar nga policia. Ai gjithashtu ka mbetur i plagosur gjatë incidentit.
Ndaj tij rëndojnë pesë akuza për sulm të shkallës së parë, ndërsa hetimet për zbardhjen e plotë të ngjarjes vijojnë.
Pas incidentit, drejtuesit e shkollës kanë njoftuar se institucioni do të qëndrojë i mbyllur përkohësisht. Sipas një njoftimi zyrtar në faqen e shkollës, mësimi pritet të rifillojë të hënën, më 4 maj, ndërsa do të jenë të pranishëm edhe këshilltarë për të mbështetur nxënësit dhe stafin.
Lini një Përgjigje