FLASH
Shkruar nga Pamfleti
Viktimat e vrasjes së trefishtë janë identifikuar si bashkëshortja Carol Hunt, dhe dy bijat e gazetarit sportiv të BBC, John Hunt.
Policia në veri të Londrës është vënë në ndjekje të një 26-vjeçari të armatosur me një hark me shigjeta, pasi dyshohet se ka vrarë mbrëmë grua dhe dy vajzat e një gazetari të rrjetit BBC.
Policia tha se po kërkojnë për 26 vjeçarin Kyle Clifford, i dyshuar për vrasjet, i cili mendohet se fshihet në kryeqytet ose rajonin fqinjë Hertfordshire.
Policia u thirr mbrëmë në shtëpinë e gazetarit ku gjeti tre gratë të plagosura rëndë, të cilat vdiqën më vonë pa mundur të shpëtoheshin.
Viktimat e vrasjes së trefishtë janë identifikuar si bashkëshortja Carol Hunt, dhe dy bijat e gazetarit sportiv të BBC, John Hunt.
Ata i gjetën tre gratë - 25, 28 dhe 61 vjeç - me plagë të rënda dhe ato vdiqën pak kohë më vonë në vendngjarje.
Policia e Hertfordshire tha se po hetonte vrasjen e trefishtë dhe po "kërkonte në mënyrë aktive" Clifford, i cili është nga Enfield, në veri të Londrës.
Publikut i është bërë thirrje që të mos i afrohen atij dhe të raportojnë menjëherë në polici nëse e shohin. Ky i fundit mësohet se ai ka punuar si roje private.
Ndërkohë që një fqinj rrëfeu se u dëgjuan britma nga shtëpia në Ashlyn Close, ku tre gratë vdiqën përpara se të shpërthente "kaosi absolut" pasi policia e armatosur mbylli rrugën.
Gruaja rreth të 40-tave, e cila nuk donte të përmendej, tha se dëgjoi dikë duke bërtitur dhe më pas erdhi një britmë e mprehtë.
Lini një Përgjigje