FLASH
Shkruar nga Pamfleti
Gazetari dhe analisti Lutfi Dervishi ka ngritur alarmin për gjendjen e rënduar të sistemit të drejtësisë në Shqipëri, pas vrasjes së gjyqtarit Astrit Kalaja brenda ambienteve të Gjykatës së Apelit.
Ai theksoi se sistemi i drejtësisë funksionon vetëm në 2/3 e kapacitetit të tij, ndërsa shumica e gjykatave nuk kanë ende një kryetar të zgjedhur.
“Sot, në Gjykatën e Apelit janë 45 mijë dosje të mbartura, për shkak edhe të hartës së re gjyqësore. Kjo situatë është e njohur, por mungon reagimi dhe një plan emergjent për ta zgjidhur. Një drejtësi e vonuar është drejtësi e mohuar”, tha gazetari për “A2 CNN”.
Sipas tij, tragjedia që ndodhi në Apel duhet të ishte një moment reflektimi për politikën dhe institucionet, por “duket sikur ngjarja po kalohet në heshtje, pa nxjerrë mësime”.
“Aty mund të ishte çdo gjyqtar. Kjo nuk është vetëm një vrasje fizike, por edhe një vrasje e shpresës për drejtësi. Urrejtja ndaj sistemit është pasojë e mungesës së besimit dhe efikasitetit. Pas disa ditësh kontrolli të rreptë, rreziku është që gjithçka të harrohet, pa asnjë ndryshim real në funksionimin e drejtësisë”, u shpreh Dervishi.
Nese nuk do te kete reflektim, gjyqtaret dhe prokuroret do te shkojne njeri pas tjetrit si A. Kalaja. Trimeria e Z. Shkambi ka ngjallur guximin e dhjetra te neperkemburve nga gjyqtaret e prokuroret...