FLASH
Shkruar nga Pamfleti
Banorë dhe të afërm në fshatit Graçan të Mallakastrës kanë folur për ngjarjen e rëndë të ndodhur në SHBA, ku ish-bashkëshorti vrau 32-vjeçaren shqiptare dhe më pas u arratis me vajzën e mitur.
Të afërmit janë shprehur se ai donte t’i merrte vajzën dhe se ata ishin ndarë prej 2 vitesh.
“Vajzë shumë e mirë, familje nga më të mirat. E morëm vesh nëpërmjet vajzës, ka mbi 15 vite në Amerikë, nuk e njoh djalin, thonë që është nga Mallakastra, sipas të dhënave ai donte që t’i merrte vajzën, ata kishin një ose dy vite të ndarë, po këta femrën e konsiderojnë si plaçkë tregu, shitet e blihet sipas qejfit të tyre, por nuk është ashtu në të vërtetë”, tha fqinji.
Renato Muhaj vrau me armë zjarri gruan e tij Suela Saliajn dhe më pas rrëmbeu vajzën e tyre 8 vjeçe.
Mediat amerikane shkruajnë se Muhaj ka goditur të dy prindërit e tij dhe u ka marrë celularët në mënyrë që ata të mos telefononin policinë.
Kur kanë hyrë në banesën e 34-vjeçarit, oficerët kanë gjetur të vdekur nënën e vajzës së tij Suela Saliajn. Por asnjë shenjë të 8-vjeçares, Alesia Muhaj e cila ishte rrëmbyer nga i ati.
Policia e gjeti 8-vjeçaren brenda pak orësh dhe e dërgoi tek familjarët e saj, ndërsa Muhaj u arrestua dhe u dërgua në paraburgim.
Lini një Përgjigje