FLASH
Shkruar nga Pamfleti
Juristi Kreshnik Spahiu ka folur lidhur me votën e emigrantëve. Ai tha se është kundër votimit me postë, për shkak se sipas tij kjo formë e votimit mund të jetë lehtësisht e manipulueshme dhe e kontestueshme nga partia që do të humbasë zgjedhjet.
Spahiu shtoi se e vetmja mënyrë që diaspora mund të votojë është votimi elektronik, një nga dy format e propozuara nga kreu i Komisionit Qendror Zgjedhor, Ilirjan Celibashi.
“Jam pro, propozimit të zotit Celibashi, por jam skeptik për votën me postë. Jam skeptik, sepse votimi me postë është shumë i kontestueshëm, në Kosovë ka ngjallur shumë debate ndonëse Kosova është model i mosmanipulimit dhe vjedhjes së votës në raport me Shqipërinë.
Në zgjedhjet e fundit ku pati një fluks të madh të votave me postë ato kanë qenë shumë të diskutueshme dhe të debatueshme duke votuar nga 100 veta. Është një proces shumë i diskutueshëm. Nëse do ketë votë me postë të gjitha partitë politike, do thonë kjo ishte një votë që u manipulua 100%. Unë jam pro votimit elektronik, jam kundër votimit vetëm me postë”, tha Spahiu për “Euronews Albania”.
Lini një Përgjigje